HM VEISLAN Í SUÐUR AFRÍKU SENN AÐ HEFJAST....HÉR ER 16 LIÐA SPÁIN MÍN !

Allir aðdáendur knattspyrnu eru að komast í '' HM HAMINN '' og þá er tilefni í spá !

BRASILÍA, ARGENTÍNA, BANDARÍKIN , MEXICO

ENGLAND, HOLLAND, ÞÝSKALAND, ÍTALÍA

FRAKKLAND, DANMÖRK, FÍLABEINSSTRÖNDIN, GANA

NIGERÍA, SPÁNN, HONDURAS, PARAGVÆ

Góða skemmtun allir !

DAVID CAMERON ER MEÐ DYRNAR OPNAR Í BRETLANDI !

Nú er tækifæri fyrir okkur íslendinga að leysa Icesave vandamálið og stjórnvöld verða hreinlega að hafa samband við Mr. Cameron strax og leysa icesave og fá bætur fyrir hryðjuverkalagasetninguna ! Össur ! af stað !

DEJA VU ! HAFSKIP II ! ÁSTÆÐULAUST GÆSLUVARÐHALD ?

Það er auðvitað gleðiefni að sérstakur saksóknari sé loksins kominn með mál sem fer fyrir rétt, en er gæsluvarðhaldið nauðsynlegt eða er þetta sjónarspil af hálfu saksóknara ? Það hefði verið nóg að setja farbann á þessa menn. Þetta svipar mjög til handtöku Hafskipsmanna á sínum tíma. Ég held að það beri að losa þá Hreiðar Má og Magnús sem fyrst af Hrauninu, setja á þá farbann því það er mjög líklegt að þeir vinni mál í mannréttindadómstolnum vegna handtökunnar. Allt annað er siðlaust. það má hins vegar leitast til að frysta eignir þessara manna . Réttlætið sigrar alltaf !

WILLIAM K BLACK ER STÓRKOSTLEGUR, EN VIRKAR HANN HÉR Á ÍSLANDI ?

Vandamálið við rökfærslur William K Black er það að í Bandaríkjunum er lagabókstafurinn mjög skýr og dómskerfið virkar. Hér á Íslandi er þessu öfugt farið. Lagabókstafurinn er óskýr og dómskerfið virkar ekki mjög vel. Það er því fremur ólíklegt að stjórnmálamenn, bankastjórar og eftirlitsmenn verði fundnir sekir vegna hrunsins hér. Það er orðið alveg ljóst að við íslendingar verðum að skrifa nýja stjórnarskrá og setja stjórnmálaflokkana til hliðar meðan við lagfærum þjóðfélagið. Því fyrr því betra.

FÖSTUDAGSHUGLEIÐINGIN : ÞJÓÐIN GETUR SPARAÐ ÓTRÚLEGAR UPPHÆÐIR EF SKREF ERU TEKIN Í RÉTTA ÁTT Í UPPBYGGINGUNNI !

Ef við skyggnumst inn í framtíðina og hugsum okkur að við íslendingar veljum rétt í sköpun hins nýja Íslands þá sést að ótrúlegir fjármunir eru fyrir hendi. Hér eru nokkrar hugmyndir sem mundu færa þjóðinni fjármuni sem mætti nota í uppbyggingunni:

1. Forsetaembættið lagt niður og þar sparast um það bil 200 milljónir

2. Aðskilnaður ríkis og kirkju mundi gefa okkur 5 milljarða sparnað

3. Fækkun sendiráða um 4. sendiráð mundi spara 80 til 100 milljónir

4. Umsóknaraðild að evrópusambandinu lögð niður og þar sparast að minnsta kosti 200 milljónir

5. Rafmagnsknúin lest verður lögð frá Reykjavik til Keflavíkurflugvallar og 5000 manns fara af atvvinnuleysisbótum í þeirri vinnu og skapa sparnað fyrir ríkiskassann sem nemur að minnsta kosti 250 milljónum

Af ofangreindu þá sést að við íslendingar höfum tækifæri og næga fjármuni til að koma okkur út úr núverandi ástandi með nokkrum góðum ákvörðunum. 

 

ÍSLENDINGAR ERU EKKI FÁBJÁNAR ! ÞRÁTT FYRIR FYLLYRÐINGAR ÞRÁINS !

Við íslendingar megum ekki tapa skynseminni og hverfa frá hugsjónum okkar um einstaklingsfrelsið og frjálshyggjuna. Þau gildi eru enn sönn og rétt en það voru hins vegar fjölmargir íslenskir og erlendir aðilar sem mistnotuðu sér þetta frelsi og ollu bankahruninu á alheimsvísu og við fylgdum með. Það þarf alls ekki að hundelta þessa menn (og konur) og draga þau fyrir dómstóla. það þarf að setja á tímabundið lögbann á stjórnmálaflokkana hér í landi og láta fagaðila stjórna hér í nokkra mánuði til að koma ástandi landsins á rétta braut. Við höfum ekki tíma núna til að íhuga aðild að evrópusambandinu eða annan slíkan luxus ! Sjálfstæði okkar er í húfi ! Látum ekki erlenda banka eða erlendar samsteypur stjórna okkar framtíð ! Við gerum þetta sjálf !

HÉRAÐSDÓMUR Á VILLIGÖTUM ! ER ENGINN ÞARNA FÆR UM AÐ LESA LAGABÓKSTAFINN ?

Föstudagshugleiðingin átti ekki að verða á neikvæðu nótunum en þessi ákvörðun héraðsdóms er enn ein vísbendingin um handónýtt lagaumhverfi hér á landi. Árni Matthiessen var fullkomlega innan laga og siðferðis þegar hann réð Þorstein Davíðsson í embætti. Vonandi kemst hæstiréttur að réttri niðurstöðu og dæmir gegn héraðsdómnum, sem er skrípaleikur og pólitísk ákvörðun.

MÓTMÆLI VIÐ HEIMILI STJÓRNMÁLAMANNA OG BANKAMANNA ERU EKKI TIL FYRIRMYNDAR, ÍSLENDINGAR !

Fólk gengur of langt í reiði sinni þegar hópar safnast saman fyrir framan heimili stjórnmálamanna og bankamanna, að ég tali nú ekki um málningaslettur á hús ! Nei, það eru til aðrar og betri leiðir !

Ekki leggjast á sama plan og stjórnmálamenn og bankamenn ! Virðið friðhelgi heimilanna !

 

QUO VADIS, ISLAND ?

Þegar áföll skella á fjölskyldum þá taka allir sig saman og leysa þann vanda sem fyrst. Ísland stendur nú á krossgötum og það er orðið augljóst, að minnsta kosti hér, að þeir sem ráða í þessu landi eru ekki með fullu viti og gera sér ekki grein fyrir vandanum sem fyrir framan okkur er.

Það var misskilningur að setja á þessa rannsóknarnefnd Alþingis. Skýrslan sem hún hefur útgefið er í raun í lagi, en það er ekki það sem okkar þjóð þarf ! Það er annað og mikið verra að í íslensku þjóðfélagi, og þetta sjá allir hugsandi menn og konur.

Hér eru vandamál Íslands, og ég leyfi mér að setja þetta upp í anda David Letterman, eða '' Top Ten '' ! Hér er þó full alvara á ferðinni ! Og hér er líka forgangsröðun !

1. Við setjum strax á 10 mánaða bann á alla stjórnmálaflokka inn á alþingi og kjósum okkur fagfólk til að stjórna landinu í þessa 10 mánuði. Allir þingmenn segi af sér tafarlaust.

2. Við skrifum nýja stjórnarskrá og nýtt stjórnskipulag.

3. Við endurskipuleggjum íslenskt réttarkerfi og dómskerfi. Við t.d. segjum okkur alfarið úr Schengen samstarfinu og við setjum á nýtt dómsstig sem kallast áfrýjunardómstóll. Hæstiréttur landsins mun einungis túlka stjórnarskrána. Við fækkum dómurum.

4. Við tökum það besta sem við finnum í Bandarísku kerfi og það besta sem við finnum í Evrópsku kerfi og setjum inn á okkar dagskrá. Þá skapast hér einstakt og gott sambland af einstaklings og samfélagshyggju lausnum sem flestir geta verið ánægðir með.

5. Við breytum skattakerfi okkar. Það er forkastanlegt að Íslendingar, þessar 300,000 hræður borgi svona háa skatta. Það er óþarfi.

6. Við hættum öllum áformum um að ganga í Evrópusambandið. Við kjósum að vera sjálfstæð

7. Við sækjum um aðild að NAFTA og fáum aðgang að nýjum mörkuðum fyrir okkar afurðir

8. Við tökum upp $, Bandaríkjadollarinn, tímabundið til reynslu, og þar með er verðtryggingin og annars konar peningasvindl á almenningi úr sögunni.

9. Við fáum erlenda banka, helst bandaríska og þýska til að eignast og reka bankana okkar.

10 . Við tökum okkur 10 mánuði til að íhuga hvort við eigum að leggja niður forsetaembættið og taka upp Bandaríska kerfið eða þá franska kerfið en ég hallast á það að svona lítil þjóð eigi að hafa Forseta með vald og að ráðherrar hans (hennar) eigi að vera sérvaldir af Forsetanum eftir persónukjör og sitji ekki á þingi.

Þegar ofangreint er vel á veg komið, þá má leyfa stjórnmálaflokkum, hverjum sem er, að bjóða sig fram við fyrstu kosningar en það verða ákvæði sett inn í landslög að það mega engir fyrrverandi stjórnmálamenn, sem voru '' aktvívir '' í hruninu taka þátt í stjórnmálum. Einungis þá fáum við hreint borð.

Og svo að lokum, það ber að taka Skýrsluna og henda henni og það á að loka embætti sérstaks saksóknara ! Það sem við ættum að gera er Nelson Mandela aðferðin og setja á stofn Sannleiks og Sáttanefnd Alþingis og bjóða öllum þáttakendunum í hruninu, þ.e.a.s. bankamönnum, stjórnmálamönnum og eftirlitsmönnum tækifæri til að hreinsa sitt mannorð fyrir framan alþýðu og þessum atburðum ætti auðvitað að sjónvarpa beint. Þannig fáum við sanngjarna lausn.

Quo vadis ?  Þið landsmenn eigið valið ! 

 

 

LAGAUMHVERFIÐ Á ÍSLANDI ER TIL SKAMMAR ! HVAR ERU ALLIR FRÆÐIMENNIRNIR !

Það er ekki nema von að svokallaðir útrásarvíkingar hafi fengið að leika lausum hala á síðastliðnum árum ef skoðað er lagaumhverfið á Íslandi. Síðasta atvikið er auðvitað það hvort erlend myntkörfulán hafi verið lögleg eður ei. Héraðsdómarar vita það greinilega ekki því þeir segja eitt í dag og annað á morgun. Kannski kemst hæstiréttur að niðurstöðu. Það er að verða augljóst að þeir sem semja lagafrumvörp og regluverk eru vanhæfir og ef Háskólaprófessorar eiga að vera í því hlutverki að gefa álit á lagasmíðum þá eru þeir einnig vanhæfir því lögin hér eru meingölluð. Það á ekki að vera svona erfitt að semja lög um banka og lánastarfsemi bara ef menn nota skýrt tungumál og vara sig á að setja inn vafaatriði í lögin. Svo einfalt er nú þetta.