BRETAR NÚ ÞEGAR FARNIR AÐ HÓTA HEFNDUM TIL AÐ HAFA ÁHRIF Á KOSNINGUNA 20. FEBRÚAR !

Það er bráðnauðsynlegt fyrir okkur, kjósendur, að hunsa allar hótanir sem nú koma frá breskum ráðamönnum. Þessi yfirgangur er ekkert annað en veikburða tilraun til að hafa áhrif á kosninguna. Það má einnig með sanni segja að allar skoðanakannanir hérlendis fyrir kosningar eigi líka að hunsa. Þær munu koma til með að vera p.r. galdur andstæðinga í garð þeirra sem eru andvígir þessum Icesave samningi. Látið ekki blekkjast eða hræðast !

SOFANDAHÁTTUR RÍKISSTJÓRNARINNAR Í ALMANNATENGSLUM ER HNEYKSLI ! Á MEÐAN ALLAR FRÉTTAVEITUR LOGA Í NEIKVÆÐUM FRÉTTAFLUTNINGI HEYRIST EKKERT FRÁ OKKUR !

Seinagangur stjórnarinnar í að miðla fréttum á erlendri grund er hneyksli. Ef skoðaðar eru fréttirnar erlendis, þá er það einungis CNN, sem í raun fer með réttan fréttaflutning á stöðu málsins. Þetta sýnir í hnotskurn að ríkisstjórnin er gersamlega ófær að eiga samskipti á alþjóðagrundvelli og þá er ekki nema vona að allir samningar sem þessi stjórn hefur gengist að eru vonlausir.

FORSETINN OKKAR Á HEIÐUR SKILIÐ, EN HVAÐ NÚ ? HÉR ER TILLAGA !

Ólafur Ragnar Grímsson er sammála þjóðarviljanum, sem kom fram fyrr í dag, þegar hann afhenti okkur úrslitavaldið í Icesave málinu. Það er því augljóst mál, að hann er einnig sammála okkur að núverandi stjórnvöld ráða ekki við þessa erfiðu samninga við Breta og Hollendinga og það er einnig augljóst að þjóðin vill nýja stjórnendur. Hverja þá ? Ég er sannfærður að vinstri stjórnin verður að segja af sér, en það er ekki nein lausn að stjórnarandstöðuflokkarnir taki við völdum. Þeir hafa ekki getu eða kunnáttu til að lyfta okkur úr þeim hremmingum sem þeir komu okkur í sjálfir. Það þarf að koma á Þjóðstjórn og ákjósanlegast væri að um leið og þjóðin gengi til kosninga um Icesave ábyrgðina kysi hún einnig þjóðstjórn. Þjóðstjórnin þarf ekki að vera stór hópur en þarf að vera samsettur af skynsömum fræðimönnum hver á sínu sviði og svo þurfa einn til tveir erlendir sérfræðingar að koma að stjórninni sem ráðgjafar. 10 til 12 manna hópur. Þjóðaratkvæðagreiðslan væri því þessi:    1. Ert þú fylgjandi eða andvígur núverandi Icesavesamningi ?   2. Ert þú fylgjandi eða andvígur skipan þjóðstjórnar ?

Fróðlegt verður að fylgjast með framvindu þessa máls á næstu dögum.

HVAÐ ER FORSETINN AÐ HUGSA ? GETUR VERIÐ AÐ HÓTANIR ALISTAIR DARLING HAFI GERT ÚT UM MÁLIÐ ?

Forsetinn hefur nú kallað Jóhönnu og Steingrím J., á sinn fund og væntanlega hefur hann útskýrt fyrir þeim ákvarðanatöku sína. Ef sömu aðferðir eru notaðar til að spá um ákvarðanir kviðdóma í Bandaríkjunum þá er afar sennilegt að Ólafur Ragnar Grímsson skrifi ekki undir Icesave samninginn. Hann tók afar langan tíma í umhugsun, ekki vegna vanda málsins, heldur vegna afleiðinganna sem nú fylgja. Það verður því afar sérstakt að hlusta á forsetann ávarpa þjóðina á morgun kl. 1100. Ég spái því að hann tilkynni þjóðinni að þessi margumtalaða GJÁ, hafi myndast í þessu máli og hann fari fram á þjóðaratkvæðagreiðslu. Ef þetta er rétt, þá er forsetinn meiri maður í mínum augum. Ef hann skrifar undir, þá ber hann að segja af sér !

TVÆR ÁSTÆÐUR FYRIR ÞVÍ AÐ ÓLAFUR RAGNAR GRÍMSSON SKRIFAR UNDIR ICESAVE FRUMVARPIÐ !

Þrátt fyrir augljósan vilja þjóðarinnar eins og kemur fram í In Defence undirskriftasöfnuninni þá mun forsetinn skrifa undir þetta fráleita frumvarp. Í fyrsta lagi er hann vinstri sinnaður stjórnmálamaður og mun ekki leggja stein í götu vinstri stjórnarinnar. Í öðru lagi er hann tengdur Bretum því eiginkona hans er breskur ríkisborgari og það mun hafa áhrif á hann því ekki vill hann missa '' reputation '' þá sem hann hefur þar í landi. Sic Transit Gloria Mundi !

Gleðilegt ár !

HRYÐJUVERKAÞJÓÐIRNAR BER AÐ YFIRBUGA STRAX !

Atvikið í flugatvélinni  í bandaríkjunum í vikunni er ekkert annað en kall á að vestræn ríki segi algert stríð á hendur Yemen og annarra ríkja sem styðja Al Qaeda. Það er gersamlega óforsvaranlegt að saklausir borgarar vestrrænna landa þurfi að bera þessa þungu byrði að líf þeirra sé á valdi hryðjuverkamanna íslamstrúar. það eina sem á að framkvæma í stöðunni er innrás í Íran, innrás í Yemen, innrás í Sómalíu. Hverjir hafa bolmagn til þess ? Að venju eru þetta Bandaríkin og þá einhverjar þjóðir sem styðja málstað frelsis einstaklingsins. '' Nothing has changed '' .

ALDREI HAFA JAFN FÁIR RÆNT SVO FÁA AF SVO MIKLU !

Það er augljóst mál að aldrei í sögu íslensku þjóðarinnar hefur þvílíkur glæpur verið framinn á sviði  stjórnmála og fjármála í landinu eins og bankahrunið. Stóra spurningin er svo þessi :

 Mun einhver verða sakfelldur og fangelsaður vegna þessara glæpa ? Því miður er íslenskt réttarfar og íslenskt eðli þannig að það er alls ekki líklegt að nokkur maður lendi í fangelsi vegna hrunsins !

Þetta segir okkur aðeins eitt:   Við erum ekki með réttu ráði !

ÞAKKARGJÖRÐ Á JÓLAFÖSTUNNI !

Þegar jólahátíðin nálgast er rétt að þakka þeim sem hafa hjálpað okkur á liðnu ári. Hér eru mín þakkarorð: 1. Ég þakka öllu fötluðu fólki fyrir þessu frábæru bílastæði sem ég hef notað óspart

2. Ég þakka Tiger Woods fyrir að sýna mér, blákalt, að maskínugolfari getur verið mennskur

3. Ég þakka Útrásarvíkingunum fyrir að gefa mér allar þessar skuldir

4. Ég þakka Vinstri stjórninni fyrir þessa nýju skatta sem ég á að borga á næstu árum

5. Ég þakka Bretum og Hollendingum fyrir þessa einstöku velvild sem þeir hafa sýnt mér á árinu.

6. Ég þakka Svandísi Svavarsdóttir fyrir að stöðva allar framkvæmdir.

7. Ég þakka Jóhönnu og Steingrími fyrir að gera ekki neitt.

8. Ég þakka Sigmundi Erni og Ögmundi fyrir að skála með mér.

9. Ég þakka Alþjóðagjaldeyrissjóðnum fyrir þessa frábæru skuldasúpu sem þeir gáfu mér.

10. Ég þakka Búsáhaldabyltingunni fyrir að koma fyrri stjórn frá völdum, en bið þá vinsamlegast að endurtaka leikinn, þannig að ég geti virkilega þakkað þeim fyrir næsta stórverk.

ÍSLENSKT RÉTTARFAR ER GLÓRULAUST !

Eins og kom fram í fréttum í dag þá hafa hæstarréttardómarar starfað fyrir núverandi stjórnvöld í sérverkefnum ! Hvaða hlutleysi er væntanlegt frá íslenskum hæstarétti þegar svona lagað viðgengst og ef þetta er löglegt þá er eitthvað mikið að í okkar stjórnsýslu !

FRAMTÍÐ HAGA Í HÖNDUM GUÐMUNDAR FRANKLÍN OG BÓNUSFEÐGA ERU MISTÖK !

Það eru hvorki Bónusfeðgar né Guðmundur Franklín sem  eiga að fá eitthvern aðgang að framtíðaráformum eignarhalds á Högum. Hagsmunir þjóðarinnar liggja í því að þessu fyrirtæki sé skipt upp í margar einingar, þannig að virk og veruleg samkeppni fái að sjá dagsins ljós. Guðmundur Franklín og Bónusfeðgar hafa á liðnum árum skilið eftir sig mikinn skaða í atvinnulífinu á Íslandi og það er hreinlega ógerningur að þetta fái að viðgangast. Vonandi tekst ráðamönnum að sjá í gegn um áróðurinn sem nú er í gangi í fjölmiðlum.