VANHÆFUR FORMAÐUR BLAÐAMANNAFÉLAGSINS ! ÞÓRA KRISTÍN ÁSGEIRSDÓTTIR SKILUR EKKI HUGTAKIÐ '' FREEDOM OF THE PRESS '' !

Formaður Blaðamannafélagsins, Þóra Kristín Ásgeirsdóttir, fer fram á fjárhagslegan stuðning frá ríkisvaldinu. Hún greinilega skilur ekki þá hugsjón að fréttamiðlar eru einmitt andspyrna við ríkisvaldinu og starf fjölmiðla er að veita ríkisvaldinu aðhald. Skandinavísk hugmynd um ríkisstyrkta fjölmiðla er vonlaus stefna. Það fer hreinlega ekki saman að fjölmiðlar séu á styrkjum frá ríkinu, einmitt því valdi sem þeim ber að gagnrýna. Þarna sést líka greinilega að Evópusambandið er sammála henni og katrín Jakobsdóttir, Menntamálaráðherra tekur undir þessa vitleysu.

Það er enginn möguleiki að frjálsir fjölmiðlar geti virkað heiðarlega með helsta skotmark sitt sem aðalstyrktaraðila. Þetta sjá allir vel þenkjandi menn. Vonandi taka almennir blaðamenn þá ákvörðun að fara fram á að Þóra Kristín segi af sér í þessu embætti áður en meiri skaði er framundan.

REYKJAVÍKURFLUGVÖLLUR OG SAMGÖNGUMIÐSTÖÐ ! AFTUR Í UMRÆÐUNNI !

Það er ótrúlegt að enn sé verið að ræða þessi tiltölulega einföldu mál landsmanna. Í fyrsta lagi þá '' fer '' Reykjavíkurflugvöllur ekkert. Hann einfaldlega verður að vera þarna sem hann er. Þetta er varaflugvöllur fyrir Keflavíkurflugvöll og er á ákjósanlegasta svæði suðurlandsins. Reykjavíkurflugvöllur hefur aldrei haft viðundandi flugstöð (Terminal). Staðsetning '' Terminal '' getur aldrei verið á svæðinu við Valsvöllinn, því það er gersamlega vonlaust að komast að þessu svæði í dag og umfangsmiklar vegaframkvæmdir verða því að fylgja byggingu Terminal þar. Besta svæðið fyrir '' Terminal og Samgöngumiðstöð '' er auðvitað þar sem sá gamli Flugfélagskofi er staðsettur. Aðgengi er mjög gott, eftir breytingu á Hringbrautinni, og þegar nýr Landsspítali rís við Hringbrautina þá er stutt fyrir sjúkraflugið. Það er vonandi að þessum málum verði ekki klúðrað af einhverjum hagsmunapólitíkusum !

'' MADAME LE PRESIDENT'' FER MEÐ SANNINDI ! VIGDÍS FINNBOGADÓTTIR VILL NÝJA STJÓRNARSKRÁ !

Ég er hjartanlega sammála Madame Finnbogadóttur að eitt það brýnasta verkefni íslendinga er að nútímavæða stjórnarskrána okkar. Stjórnarskrá okkar í núverandi mynd er gjörsamlega vonlaust plagg og einmitt núna eftir hrunið er mikilvægt að stíga það skref að breyta henni. Ég mæli með að Madame Finnbogadóttir verði valin til að leiða þetta verkefni. Hún hefur það '' savoir faire '' til að þetta verkefni verði unnið af skynsemi og heilindum. Ég er viss um að þorri landsmanna er sammála mér.

STÓRLEIKUR HELGARINNAR ! KATRÍN JAKOBSDÓTTIR VS. KSÍ !

KSÍ hefur tekið þá ákvörðun að aðhafast ekkert í '' stóra súlustaðamálinu '' og þá kemur að því að Katrín Jakobsdóttir þarf að ákveða hvaða afstöðu hún tekur varðandi þetta stórmál. Krefst hún afsagnar stjórnarinnar ? Krefst hún útskýringa ? Þetta verður án efa stórleikur helgarinnar og fróðlegt verður að fylgjast með hvað hún gerir.  Ætlar hún að skrifa upp á þessa niðurstöðu ?

 

ÆTLA ÍSLENDINGAR AÐ YFIRGEFA HUGTAKIÐ '' HERLAUS ÞJÓÐ '' ?

Þar eð Evrópusambandið, samkvæmt stjórnarskrá sambandsins, stefnir í hervæðingu eru Íslendingar reiðubúnir að yfirgefa þá ákvörðun að vera herlaus þjóð ? Þetta er stór spurning og þjóðin ætti að hugsa þetta eina atriði mjög vel áður en  hún tekur ákvörðun um aðild að þessu sambandi.

FRAKKARNIR Á HM ! EKKI VON Á GÓÐUM ÁRANGRI HJÁ ÞEIM ÞAR !

Eins og búist var við þá ákvað FIFA að leikur Íra og Frakka yrði ekki endurtekinn. Það er ekki nokkur leið að landslið Frakka geti leikið sína bestu knattspyrnu með þennan skandal á bakinu. Ég spái þeim falli strax í riðlakeppninni og að alheimurinn taki undir og bjóði þeim '' bon voyage '' !

ÞJÓÐIN VERÐUR AÐ LOSA SIG VIÐ ÞESSA STJÓRN ÁÐUR EN ANNAÐ HRUN VERÐUR AÐ VERULEIKA !

Það blasir við að við erum á hraðbyri inn í annað hrun ef fyrirtækin í landinu fá ekki þann stuðning frá yfirvöldum sem þau þurfa til að gangsetja sig og ráða fólk í verkefnin. Atvinnuleysið er óþolandi og gjaldeyrishöftin eru að sliga smáfyrirtækin. Afturhaldsráðherrarnir reyna allt til að stöðva virkjanaframkvæmdirnar og eina ráð þessara manna er að skattleggja borgarana. Þetta er á hægagangi hjá núverandi ráðherrum og einblínt er á Evrópusambandsaðild, sem einhverja töfralausn. Þetta er fráleitt ! Aðildarferlið er margra ára ferill og getur ekki bjargað einu eða neinu. Það vantar sárlega aðra byltingu, því Búsáhaldabyltingin mistókst. Icesave málið, sem er í raun smámál miðað við framtíðarvanda landsins, virðist vefjast fyrir mönnum. Við eigum ekki að greiða Icesaveskuldirnar. Við eigum að kæra Bresk yfirvöld fyrir setningu hryðjuverkalaga á þjóðina og það strax. Það þarf að koma ný bylting og hún verður að stefna að því að koma vinstri mönnum frá völdum. Annars stefnum við í annað hrun !

SIGUR FRAKKA Á ÍRUM, MEÐ '' HENDI '' HENRY ER ERGILEGT, EN EÐLILEGT !

Knattspyrnuleikur er eins og lífið. Stundum gengur allt upp, en stundum eru áföll. '' The Irish Luck '' fór út í veður og vind í gær, því eins og allir vita þá er dómarinn hluti af leiknum og hann getur verið skeikull. Mikið er skrifað í heimspressunni í dag um þetta atvik og sumir vilja endurtaka leikinn. Það mun ekki ganga upp, því FIFA getur ekki breytt leikreglum því þá er von á miklum farsa í knattspyrnunni. Þetta er súrt fyrir Íra og Frakkar fara skömmustulegir til Suður Afríku. Svona er knattspyrnan !

ÁBENDING TIL GUÐMUNDS STEINGRÍMSSONAR VARÐANDI FANGELSISMÁL !

Sá ágæti þingmaður, Guðmundur Steingrímsson, undrast ástandið í fangelsum landsins. Þar sem Guðmundur er þingmaður og gæti haft áhrif á breytingar í stöðu fangelsismála í landinu þá er vert að benda Guðmundi á eftirfarandi:  1. Stór hluti fanga á Litla Hrauni er þar vegna dóma í eiturlyfjamálum. Mestur hluti fanganna eru fíklar, sem hafa brotið af sér til að fjármagna fíknina. Þessir menn, allir upp til hópa eiga ekki heima í fangelsi, heldur á meðferðarstofnun. Guðmundur getur þess vegna stuðlað að því að flytja frumvarp á Alþingi til þess að '' afglæpa '' (de-criminalize) fíknaefnaneyslu og þar með loka fyrir fangelsun sjúklinga. 2. Fjölmargir fangar á Litla Hrauni eru útlendingar, sem hafa gerst brotlegir hér. Í samvinnu við Rögnu Árnadóttir, Dómsmálaráðherra, þá er borðliggjandi og löglegt að vísa þessum erlendu sakamönnum úr landi og flytja þá á brott. 3. Eitt versta skref sem við höfum tekið, er aðildin að Schengen samkomulaginu og Guðmundur getur stuðlað að því að við segjum okkur úr þessu samstarfi og koma í veg fyrir að glæpamenn frá Evrópu eigi greiðan aðgang að landinu. 4. Lokaspurningin er þessi ! Hvers vegna er Brasilíufanginn ekki löngu farinn úr landi ? Þarna er þó eitt pláss !

SKATTABREYTINGARNAR ERU AÐFÖR AÐ ÞJÓÐINNI OG ALLAR VONIR UM ERLENT FJÁRMAGN OG EFLINGU ATVINNULÍFSINS ERU BROSTNAR !

Vinstri stjórnin hefur talað ! Þjóðin á að greiða hrunið ! Því miður eru ekki lög í þessu landi sem leyfa hópmálsóknir, þvi ef svo væri þá mundi þjóðin rísa á fætur og kæra þessa stjórn fyrir landráð, því þessar skattálögur eru ekkert annað en landráð ! Við Íslendingar erum eina þjóðin í hinum vestræna heimi sem leitar til skattahækkana til að bjarga fjárhag þjóðarinnar í stað þess að leita skynsamlegra ráða, meðal annars að efla atvinnulífið og laða að erlent fjármagn. Þvílík skömm !