COSSER AFÞAKKAR VIÐTAL Í SJÓNVARPI !

Hvers vegna afþakkar herra Cosser viðtal í sjónvarpi ? Er það ekki upplagt tækifæri fyrir ókunnan mann að kynna sig fyrir íslendingum ?

Hvað er Cosser hræddur við ? , eða er hann að gefast upp ?

Er það ekki einkennilegt ?

Það er að verða nokkuð ljóst að Cosser er að gefast upp á '' hlutverkinu '' !

Er einhver íslendingur í viðskiptalífinu sem getur útskýrt þetta fyrirbæri fyrir okkur ?

Miklar spurningar en ekki mikið um svör frá Cosser !

ICESAVE EÐA SAVE ICELAND ! SPURNING UM ORÐSPOR ÍSLENDINGA !

Eins og réttilega hefur komið fram hjá nokkrum stjórnmálamönnum, þá er engin spurning að næsta skref okkar í þessu máli er lögsókn á hendur Bretum. Við getum ekki látið troða á okkur án þess að svara fyrir okkur. Ég hef rætt við nokkra lögfróða vini mína í Bandaríkjunum um þetta mál og flestir þeirra eru á þeirri skoðun að við eigum að taka af skarið strax og lögsækja Breta.

Þetta er spurning um virðingu á alþjóðavettvangi, stöðu okkar á alheimsmælikvarða og réttlæti.

Látum þetta ekki bíða lengi, tökum á þessu máli af festu og áræði !

ÍSLAND 1 COSSER 0 ! ÁRVAKRI BJARGAÐ !

Það er mikil blessun að Árvakur verður enn í eigu okkar íslendinga og að MBL verði ekki í eigu einhvers erlends aðila, sem er okkur ókunnur.

Staðan er því 1 vs. 0 okkur í hag ! Svo er bara að sjá hvort Cosser geri önnur tilboð, svo sem í nýju bankana eða hrökklast hann úr landi ?

það skiptir litlu máli hvort nýju eigendurnir eru tengdir sjávarútveginum eða ekki. Þeir eru íslenskir !

Farewell, Cosser !

 

LAMAÐA BRÁÐABIRGÐASTJÓRNIN !

Á tíma kreppu og fjárhagsvandamála okkar íslendinga er merkilegt að ENGAR FRÉTTIR HAFA BORIST OKKUR, ÞJÓÐINNI, Í DAG UM ATHAFNIR EÐA LAUSNIR FYRIR ATVINNULAUSA ÞJÓÐ !

HVAÐ ER Í GANGI HJÁ JÓHÖNNU ?

Sem betur fer er ekki langt í næstu kosningar.

EINVÍGI Í AÐSIGI Í NÆSTU KOSNINGUM ? DAVÍÐ VS. JÓN BALDVIN !

Það væri þá aldeilis athyglisvert ef næstu kosningar snérust um val þjóðarinnar á annðhvort Davíð Oddsyni eða Jóni Baldvin Hannibalssyni !

Vonandi gefur Davíð kost á sér ! Það er þörf á góðum dreng í framtíðarbaráttu okkar við eitt erfiðasta skeið sem við höfum upplifað.

STEVE COSSER Í VIÐTALI !

Vonandi spyr þáttastjórnandi herra Cosser hvort hann þekki ekki Ólaf Ragnar Grímsson og frú Dorrit !

það er einnig forvitnilegt að fá að vita hvort hann þekki ekki aðra íslendinga í viðskiptalífinu í London !

Svo er spurning ! hvers vegna kom herra Cosser ekki hingað á árum útrásarinnar ? Var þá ekkert tækifæri í gangi ?

 Við bíðum spennt eftir skýrum svörum !

BATTLE OF BRITAIN ! SLÍTUM STJÓRNMÁLASAMBANDI STRAX !

Það sterkasta sem við Íslendingar getum gert í ICESAVE málinu er að sýna Bretum og öðrum þjóðum að við látum ekki troða á okkur. Köllum sendiherra okkar heim og sendum sendiherra Breta með fyrstu vél heim !

Hefjum síðan málsókn strax !

 Ekkert annað dugar !

HRYÐJUVERKALÖGSÓKN ! EKKI GEFAST UPP !

Erum við íslendingar gungur, eða ætlum við að láta Breta komast upp með þetta ?

Í fyrsta lagi erum við á kolröngum vettvangi ! Kærur vegna framferði Breta á ekki heima í mannréttindadómstóli, heldur á að kæra til alþjóðadómstólsins í Hag ! Kæran á að byggjast á glæpsamlegum gjörningum gegn heillri þjóð. Þetta er kjarni málsins.

Ef bráðabirgðastjórnin er ekki fær um að afgreiða þetta þá kjósum við fólk og flokk sem hefur þann kjark sem til þarf !

FRÁBÆR DAVÍÐ Í KASTLJÓSINU !

Það hefur sjálfsagt ekki farið framhjá neinum að Davíð Oddson var einstaklega hreinskilinn í viðtalinu í gær og útskýringar hans á hans störfum sýna að hann er maður sem vinnur sína vinnu af miklum heilindum. Davíð fer með rétt mál þegar hann talar um árásir Baugsmann á sína persónu og glöggt má sjá í mismuninum á fréttaflutningnum í dag þar sem viðtalið er forsíðufrétt í MBL en inn á síðum Fréttablaðsins.

Ef einhver maður getur leyst yfirstandandi vandamál þjóðarinnar í þessari kreppu þá er það Davíð Oddson og ég hvet hann til endurkomu í næstu kosningum sem leiðtogi Sjálfstæðisflokksins.

Hann fær mitt atkvæði !

STEVE COSSER ! THE MAN WHO WOULD BE KING !

Fjárfestirinn Steve Cosser var yfirlýsingaglaður í gær. Hann ætlar hreinlega að bjarga Íslandi !

Minnir dálítið á Jörund Hundadagakonung ! Cosser er einnig í leit að íslenskum samsærismanni sem á að vera upphafsmaður rógburðar um að hann sé LEPPUR ! Við íslendingar látum ekki blekkjast mjög auðveldlega og það er nokkuð skýrt að herra Cosser er hér á landi á vegum einhvers fyrrverandi útrásarvíkings ! Ekki veit ég hver sá víkingur er, en Cosser má vita að einhver mun uppljóstra hver þessi víkingur er á næstu dögum.

Vonandi fer ekki Árvakur, eða nokkuð annað íslenskt fyrirtæki, í eigu Cossers. Við íslendingar viljum að sjálfsögðu erlent fjármagn inn til landsins, en ekki dulbúna fjárfesta. Það er engum til góðs.