VERÐKANNANIR ! MUCH ADO ABOUT NOTHING !

ASI birtir verðkönnun í MBL í dag um verðmismun í ýmsum verslunum landsins !

Hvað kemur okkur þetta eiginlega við ? Við vitum þetta öll ! Bónus er yfirleitt með lægsta verðið !

ASI ætti frekar að kanna hvernig stendur á því að verðlagið á Íslandi er 3. til 4. sinnum dýrara en í löndunum í kring um okkur !  ÞETTA ER STÓRA SPURNINGIN !

TRYGGVI ÞÓR OG FRAMBOÐ ! ALLS EKKI MÖGULEIKI !

það síðasta sem við íslendingar viljum hafa á þingi eru hagfræðingar og endurskoðendur !

Þessir menn er gallagripir, sem hafa átt það stóran þátt í banakbruðlinu á síðustu árum að það hálfa væri nóg !

 

VIÐ SEGJUM NEI !

BRÉF TIL BUBBA, BJÖRNS JÖRUNDAR OG ARA MATT !

STRÁKAR.........Í guðanna bænum, hættið þessu væli fram fyrir alþjóðinni !

Blessaður Björn Jörundur gerði smá mistök og Bubbi hljóp á sig og Ari Matt leggur mikinn skilning á málið, enda hæfur til þess. En þessi sífelldu yfirlýsingar af ykkar hálfu eru óþolandi fyrir okkur !

Ef þið haldið þessu áfram þá mun þjóðin gera eftirfarandi:

1. Hætta áhorfi á '' ÆDOLIÐ ''

2. Hætta að hlusta á Bubba

3. Kjósa ekki Ara á þing

Þannig er þetta !

EKKI - AÐGERÐALISTINN !

Í fjármálakreppu íslendinga er mikilvægt að ákveða með skýrum hætti hvað á EKKI að gera.

Hér er listinn:

1. Við íslendingar eigum EKKI að greiða Icesave reikningana.....Gordon Brown getur séð um það !

2. Við íslendingar eigum EKKI að hækka skatta......fremur lækka skatta til að auka tekjurnar og styrkja atvinnulífið.

3. Við íslendingar eigum EKKI að lögsækja þá sem flúðu með verðmæti úr landi....heldur fara að hætti Angelu Merkel og bjóða þeim að koma með féð til baka.

4. Við íslendingar eigum EKKI að kjósa einn einasta stjórnmálaflokk sem kom að hruninu, nema að flokkurinn biðjist afsökunar á mistökunum.

5. Við íslendingar eigum EKKI að ganga í Evrópusambandið. Slíka ákvörðun á ekki að taka í neyðarástandi heldur þegar landið er laust við kreppuna.

6. Við íslendingar eigum Ekki að skipta um gjaldmiðil strax, heldur vega og meta á næstu árum hvaða gjaldmiðill hentar okkur best.

7. Við íslendingar eigum EKKI að endurskoða stjórnarskrána, heldur að kasta henni og skrifa glænýja stjórnarskrá.

8. Við íslendingar eigum EKKI að halda í forsetaembættið, heldur leggja það niður í núverandi mynd.

 9. Við íslendingar eigum Ekki að hika við að lögsækja Breta vegna hryðjuverkalaganna sem þeir beyttu gegn okkur.

Þessi listi er sennilega miklu lengri, en þetta eru höfuðatriði.

Baráttukveðjur,

BB

AFTURHALDSKOMMATITTABÚSÁHALDABYLTINGARFORSTJÓRINN !

Forystumaður Afturhaldskommatittabúsáhaldabyltingarinnar er kominn fram !

 

JÓN BALDVIN HANNIBALSSON !

FYRSTA VERKEFNIÐ Í EFLINGU ALÞINGIS !

Þegar við íslendingar hefjum breytingar á stjórnarskrá, eflingu Alþingis og endurskipan í fjármálum okkar er hér með lagt til að fyrsta verkefnið sé að fjarlægja skjaldamerki Danaveldis af Alþingishúsinu . Það er algerlega óviðunandi að við íslendingar þurfum að horfa upp á þetta merki og tákn nýlendutímabilsins dag eftir dag. þetta á heima á þjóðminjasafninu.

Tökum þetta niður og setjum þess í stað skjaldamerki Íslands, sem er okkar tákn og er þar að auki mjög fallegt.

Ég er handviss um að þið eruð sammála !

 

 

 

STJÓRNARSKRÁRBUNDIN ÞJÓÐARATKVÆÐAGREIÐSLA ERU MISTÖK !

Stjórnvöld virðast vera að þokast í þá átt að festa þjóðaratkvæðagreiðslu í stjórnarskrána.

Þessi gjörningur eru mikil mistök. Sagan segir okkur þetta nokkuð skýrt ef menn muna eftir hvernig Adolf Hitler og Benito Mussolini misnotuðu þjóðaratkvæðagreiðslur og blekktu almúgann í Þýskalandi og á Ítalíu með áróðursmaskínum sínum. Í dag er sams konar gjörningur miklu auðveldari með misnotkun á fjölmiðlunum, sérlega sjónvarpi, sem í dag á íslandi er í höndum eigenda sem eru hliðhollari sérstakri stefnu stjórnmálanna og hafa þannig forskot.

Einn af forsetum Bandaríkjanna, James Madison, kallaði þjóðaratkvæðagreiðslu '' Harðstjórn meirihlutans ''. Nokkuð skarpur þar. Frá Bandaríkjunum er til gott dæmi um fáránleika '' þjóðaratkvæðagreiðslu '' en í Kaliforníu fyrir nokkrum árum var kosið í almennum fylkiskosningum um fyrirbærið '' 3 strikes and you are out '' , eða '' þú ert farinn í þriðja skiptið '', en þetta átti við dæmda glæpamenn sem hlutu ævilangt fangelsi við þriðja brot. Þetta var samþykkt af kjósendum ! Kjósendur gerðu sér ekki grein fyrir tvennu: Dómarar í svona málum höfðu alls ekkert val á mildari dómum og svo hitt að t.d. unglingur sem stelur tyggjópakka í sjoppu í þrígang og er dæmdur í þrígang hlýtur ævilangt fangelsi ! Er þetta ekki skýrt dæmi um fáránleika þess að láta almúgann taka alvarlegar ákvarðanir.

Þjóðaratkvæðagreiðsla veikir einnig löggjafarvald Alþingis og ef það er eitthvað sem við Íslendingar þurfum að gera í dag, þá er það ekki að veikja vald þingsins, heldur að efla það.

 

 

SKÓLABRÓÐIRINN Á BESSASTÖÐUM MISSTÍGUR SIG !

Skólabróðir minn úr MR, Ólafur Ragnar Grímsson gerði heldur betur stórkostleg mistök þegar hann fullyrti við þýska fjölmiðla að við Íslendingar ættum ekki að ábyrgjast og greiða þjóðverjum fyrir innistæðurnar á kaupþing edge reikningunum.

Hvað vakir eiginlega fyrir honum ?

Það er eins og Ólafur skilji ekki sitt hlutverk eða embætti og Ólafur er sífellt að blanda sér í pólitík og fjármál þjóðarinnar, sem er ekki í hans verkahring. Þar sem Ólafur var einn af áróðursmönnum útrásarinnar vaknar sú spurning hvort hann eigi ekki að segja af sér !

Þetta er spurning !

GUNNAR TÓMASSON OG FRAMTÍÐ FJÁRMÁLASTEFNU ÍSLANDS

Í Silfri Egils um síðustu helgi talaði Gunnar Tómasson afdráttarlaust um fjármálastefnu vesturvelda af mikilli skynsemi. Hann útskýrði skipbrotið svo vel að allir sem á horfðu skildu málið.

Hann ræddi einnig hvaða úrræði væru fyrir hendi fyrir okkar Íslendinga og ég vona að komandi stjórn, sem tekur við völdum eftir kosningarnar í vor, verði svo skynsöm að ráða hann sem ráðgjafa í fjármálum okkar, en ákjósanlegast væri að hann yrði hreint og beint fjármálaráðherra í nýrri stjórn.

Minna dugar ekki. Hér er á ferðinni sérfræðingur sem við eigum að virkja, ef hann er tiltækur.

Það eina sem ég hef spurningarmerki við er aðild að Evrópusambandinu og upptaka Evru.

Það væri ákjósanlegast að Ísland yrði áfram utan sambandsins og að við tökum upp $ dollarinn.

En Gunnar er maðurinn !!

AF REYK OG SPEGLUM !

Sjónhverfinga og töframenn eru þekktir fyrir að nota reyk og spegla til að villa fyrir áhorfendum sínum. það er augljóst nú að þessi bráðabyrgðastjórn Íslands leikur sama leik.

Í staðinn fyrir skýrar aðgerðir og stefnu þá er þetta brölt Jóhönnu og Co. ekkert annað en liður í kosningabaráttunni, sem er nú hafin. Í stað þess að framkvæma eitthvað sem skiptir máli fyrir okkur, þegnana, þá er hafist í aðgerðir til að auka fylgið í næstu kosningum.

Þessir minnihlutaflokkar munu allir bíða mikið afhroð í kosningunum sem eru framundan. Þetta sjá allir hugsandi íslendingar.

Allt tal um Evru og Evrópusambandsaðild er ekki forgangsatriði. Allt heimskulegt tal um að taka upp norsku krónuna er hreinn brandari og öll stöðvun á framkvæmdum er auðvitað galin stefna.

Þetta brölt á eftir að sökkva þessum minnihlutaflokkum í næstu kosningum !

Við íslendingar sjáum nefnilega í gegn um reykinn og speglana !